Մոսկվան ակնկալում է մոտ ապագայում Հայաստանի Կապան քաղաքում ՌԴ գլխավոր հյուպատոսություն բացել։ Այս մասին ТАСС -ին տված հարցազրույցում ասել է ՌԴ պետքարտուղար, փոխարտգործնախարար Եվգենի Իվանովը։
«Հայաստանում գլխավոր հյուպատոսություն բացելու հրաման է տրվել, հիմա Բալիում գլխավոր հյուպատոսություն է բացվելու։ Ներկայումս մենք աշխատում ենք այս ուղղությամբ։ Ընդհանուր առմամբ, սա բավականին մեծ կազմակերպչական-տեխնիկական աշխատանք է»,- նշել է փոխնախարարը։
Հայաստանում գլխավոր հյուպատոսության բացման մոտավոր ժամկետների մասին ճշտող հարցին ի պատասխան՝ դիվանագետը նշել է, որ դա սպասվում է «մոտ ապագայում»։ «Մենք դա ակնկալում ենք մինչև տարեվերջ»,- հավելել է փոխնախարարը։
Իվանովը նաև հիշեցրել է Ռուսաստանի արտաքին գործերի նախարար Սերգեյ Լավրովի կողմից ավելի վաղ հայտարարված ծրագրերը՝ «մի շարք աֆրիկյան երկրներում նոր դիվանագիտական ներկայացուցչություններ բացելու մասին»:
