Գազայի հատվածի Ռաֆահ քաղաքում շուտով կավարտվի պաղեստինյան արմատական ՀԱՄԱՍ շարժման հետ ակտիվ մարտերի փուլը։ Այս մասին Իսրայելի վարչապետ Բենիամին Նեթանյահուն հայտարարել է իսրայելական հեռուստատեսության 14-րդ ալիքին տված հարցազրույցում։
«Ռաֆահում ռազմական գործողությունների ինտենսիվ փուլը շուտով կավարտվի, բայց մենք կշարունակենք գործողություններն ու հարվածները և չենք հանձնվի։ Մենք հարվածում ենք նրանց մեր ողջ ուժով»,- ասել է Նեթանյահուն։ Նա հավելել է, որ եթե անգամ մարտերի ինտենսիվությունը նվազի, Իսրայելը չի դադարեցնի պատերազմը և կձգտի ՀԱՄԱՍ-ի ոչնչացմանը։
Վարչապետի խոսքով՝ «շատ շուտով» սպասվում է նաև «Գազայի հատվածում մարտերի ինտենսիվ փուլի ավարտը»։
