ԱԽ քարտուղար Արմեն Գրիգորյանը հայտարարել է, որ Տավուշում սահմանազատման գործընթացն ավելի շատ կայունություն է բերելու։ Սակայն նա կարծիք է հայտնել, որ ամբողջական կայունության համար հարկավոր է Ադրբեջանի հետ խաղաղության պայմանագիր ունենալ.
«Պետք է խաղաղություն, որ ամբողջովին համոզված լինենք, որ էսկալացիա չի լինելու․ սա է հիմնական երաշխիքը»,- նշել է նա։
Ըստ ԱԽ քարտուղարի՝ Հայաստանը փորձում է խաղաղության պայմանագիր ունենալ հնարավորինս արագ։
Նա անդրադարձել է նաև սահմանազատման հետագա աշխատանքներին՝ շեշտելով, որ դեռ համաձայնություն չկա, թե որտեղ է այն շարունակվելու։
