Կառավարության հերթական նիստում ԿԳՄՍ նախարար Ժաննա Անդրեասյանը ներկայացրեց նախարարությանը հատկացված պետական բյուջեի միջոցների հաշվին վերաբաշխման նախագիծը։
Ըստ նախագծի՝ 2 մլրդ 314 մլն դրամ կհատկացվի շինարարությունը ավարտված և ավարտվող 93 մանկապարտեզի գույքով ապահովման և Գեղարքունիքի մարզի Գեղամասարի մանկապարտեզի հիմնանորոգման համար․
«2023թ. ավարտին 144 նախադպրոցական հաստատություններում աշխատանքներն ավարտվել են»,- հայտարարեց նախարարը՝ ընդգծելով որ այս պահին դրանց թիվը ավելի շատ է՝ շուրջ 159։
Վարչապետի հարցին ի պատասխան՝ նախարարը նշեց, որ 93 մանկապարտեզից 25–ը նորակառույց է, 14-ը վերակառուցված, 54-ը հիմնանորոգված։