ՀՀ ԿԳՄՍՆ «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի Պատմական միջավայրի պահպանության Լոռու մարզային ծառայության աշխատակիցները, հերթական շրջայցի ընթացքում արձանագրել են, որ 12-13-րդ դարով թվագրվող, Լոռու մարզի Քոբայր վանական համալիրի պատերին անհայտ անձը կամ անձինք կարմիր ներկով գրություններ են թողել։
Արձանագրված իրավախախտման դեպքով «Պահպանության ծառայություն» ՊՈԱԿ-ը դիմել է ՀՀ ՆԳՆ ոստիկանություն՝ կատարվածին իրավական գնահատական տալու համար։
Ցավոք, նմանօրինակ դեպքերը քիչ չեն․ սույն թվականի հունիսի սկզբին էլ գրառումներ էին հայտնվել Երևան-Գառնի ճանապարհին՝ Ողջաբերդ գյուղի տարածքում գտնվող «Չարենցի կամար» հուշարձանի վրա, որը մաքրվել է «Պահպանության ծառայություն» ՊՈԱԿ-ի թանգարանային առարկաների լաբորատորիայի աշխատակիցների ջանքերով։
Կոտայքի մարզի Լեռնանիստի 13-20-րդ դարով թվագրվող գերեզմանոցում էլ ՊՄՊ Կոտայքի մարզային ծառայության աշխատակիցները արձանագրել են խոշոր եղջերավոր անասունների մուտքը։
Հանրապետության հուշարձանների տարածքում «Պահպանության ծառայություն» ՊՈԱԿ-ի Պատմական միջավայրի պահպանության մարզային ծառայությունների աշխատակիցները ևս մեկ անգամ հիշեցնում են, որ սահմանված գրաֆիկով պարբերաբար իրականացվում են շրջայցեր, սանմաքրման աշխատանքներ, խիստ խնդրահարույց դեպքերում ՊՈԱԿ-ը գործակցում է համայնքապետարանների հետ։
«Հուշարձանների պահպանությանը հետևելը ոչ միայն «Պահպանության ծառայություն» ՊՈԱԿ-ի աշխատանքն է, այլև՝ յուրաքանչյուր քաղաքացու պարտքը, ուստի ևս մեկ անգամ հորդորում ենք խնամքով վերաբերել պատմամշակութային հուշարձաններին ու պատմական միջավայրին, չբարձրանալ խոնարհված եկեղեցիների, վանքերի պատերին, մոմեր չվառել չնախատեսված վայրերում, որպեսզի չխաթարվի պատմական հուշարձանների տեսքը»,- նշված է հաղորդագրությունում։
Վարչապետ Նիկոլ Փաշինյանն ընդունել է «Թումո» կենտրոնի համահիմնադիր Սեմ Սիմոնյանին և ԱՄՆ-ում գործող Inet Technologies…
Սեպտեմբերի 30-ին ՀՀ ԱԽ քարտուղար Արմեն Գրիգորյանի մասնակցությամբ Բրյուսելում տեղի է ունեցել ՆԱՏՕ-ի անդամ երկրների…
Մայրաքաղաքում տրանսպորտային հոսքերի անցանելիությունն ավելացնելու նպատակով հոկտեմբերի 2-ից երթևեկության կազմակերպման փոփոխություն կկատարվի Իսահակյան փողոցում: Այս…
Սեպտեմբերի 29-ից մինչև նոյեմբերի 25-ը պրոեֆսիոնալ դիտողական սարքերի միջոցով երկնքում տեսանելի կլինի «երկրորդ լուսինը». այս…
ՀՀ Ազգային ժողովի «Քաղաքացիական պայմանագիր» խմբակցության պատգամավոր Վահագն Ալեքսանյանի խոսքով՝ քանի դեռ եկեղեցում կան մարդիկ,…
-Մարդու իրավունքների եւ ազատությունների հետ կապված իրավիճակն Ադրբեջանում հուսադրող չէ,- «Ազատություն» ռադիոկայանին հարցազրույցում ասել է…