«Կողջունենք ՀՀ և Ադրբեջանի ԱԳ նախարարների հանդիպումը Վաշինգտոնում». Օ’ Բրայեն

Վաշինգտոնը պատրաստ է Ադրբեջանի և Հայաստանի արտգործնախարարների հանդիպում անցկացնել․ այդ մասին Բաքվում հայտարարել է ԱՄՆ պետքարտուղարի տեղակալ Ջեյմս Օ’ Բրայենը։ 

«Խոսքն այն մասին է, թե ինչն ավելի ձեռնտու կլինի երկու կողմերին։ Հուսով եմ, որ արտգործնախարարները հնարավորինս շուտ հանդիպելու հնարավորություն կունենան։ Եթե ​​դա տեղի ունենա Վաշինգտոնում, մենք կողջունենք նրանց՝ անկախ նրանից, թե ինչ դեր ենք խաղում: Բայց կան բազմաթիվ ուղիներ, և երկու կողմերն էլ պահպանում են արդյունավետ անմիջական շփումը։ Մենք այս գործընթացին մասնակցում ենք որպես ընկեր»,- ասել է նա։