Առնվազն 30 մարդ է զոհվել Քենիայում հարկերի բարձրացման օրինագծի դեմ բողոքի ցույցերի ժամանակ, հայտնում է Human Rights Watch (HRW) իրավապաշտպան կազմակերպությունը։
Citizen տեղական հրատարակությունը հայտնել է, որ բողոքի ցույցերի հետևանքով Քենիայի Կենտրոնական նահանգում առնվազն 40 ոստիկան է տուժել։
Իրավապաշտպան կազմակերպությունը պնդում է, որ հունիսի 25-ին անվտանգության ուժերը կրակել են ցուցարարների ամբոխի վրա, այդ թվում՝ փախուստի փորձ կատարածների վրա։
«Հունիսի 25-ին ցուցարարները հավաքվել էին ողջ երկրի քաղաքներում և բնակավայրերում, այդ թվում՝ Նայրոբիի խորհրդարանի մոտ: Կեսօրին ոստիկանությունը կրակ է բացել ցուցարարների վրա խորհրդարանում և շրջակայքում։ Թեև Նայրոբիում և այլ քաղաքներում զոհերի ճշգրիտ թիվը չի հաստատվել, Human Rights Watch-ը պարզել է, որ այդ օրը առնվազն 30 մարդ է սպանվել», – ասվում է կազմակերպության կայքում տեղադրված հայտարարության մեջ:
