ԱՄՆ նախագահ Ջո Բայդենի ընտանիքը կիրակի օրը հորդորել է նրան մնալ նախագահական մրցավազքում և քննարկել, թե արդյոք նրա օգնականները պետք է պաշտոնանկ արվեն Բայդենի ապշեցուցիչ վատ բանավեճի պատճառով:
Առաջին տիկին Ջիլ Բայդենը, որդին՝ Հանթեր Բայդենը և նրանց թոռները, հավաքվել են Քեմփ Դևիդում՝ նախապես ծրագրված հավաքին և խնդրել նախագահին՝ շարունակել պայքարը վերընտրվելու համար, CNN-ին ասել են Բայդենի խորհրդականները:
Ընտանիքը, որը ակնհայտորեն հիասթափված է այն թիմից, որը պատրաստել էր Բայդենին Թրամփի հետ բանավեճին, քննարկել է, թե արդյոք Բայդենի գլխավոր խորհրդականներից որևէ մեկը պետք է հեռացվի աշխատանքից, և արդյոք պետք է կատարվեն նախընտրական շտաբի կադրային փոփոխություններ: