Արդեն մեկ տարի է, ինչ «Ուկրվինպրոմ» կորպորացիայի մեջ միավորված տեղական գինեգործները ձգտում են Ուկրաինայի կողմից պատժամիջոցներ սահմանել Վրաստանի և Հայաստանի մի շարք գինի արտադրողների և ապրանքանիշերի դեմ, որոնց արտադրանքը վաճառվում է Ռուսաստանում:
Մայիսի վերջին «Ուկրվինպրոմը» անվտանգության խորհրդին ուղարկել է այն արտադրողների ցուցակը, որոնց առաջարկվում էր 10 տարով արգելել առևտրային գործառնությունները, կապիտալի դուրսբերումը Ուկրաինայի սահմաններից դուրս, ապրանքային նշանների, դոմեյնների իրավունքների օգտագործումը, լիցենզիաների չեղարկումը և այլն։ Ցուցակում ընդգրկված են 17 ձեռնարկություն, այդ թվում՝ հայտնի «ARARAT» և «Sarajishvili» կոնյակի ապրանքանիշերի և վրացական «Askaneli Brothers» գինիների արտադրողները։ Ցուցակում են Արարատ կոնյակի գործարանը, ՄԱՊ-ը, Երևանի կոնյակի գործարանը, Պռոշյանի կոնյակի գործարանը, Ավշարի գինու գործարանը, Աստաֆյան հոլդինգը, Վեդի Ալկոն:
Շուկայի մասնակիցները կոչ են անում ավելի հավասարակշռված մոտեցում ցուցաբերել պատժամիջոցների կիրառման հարցում, քանի որ ապրանքները Ուկրաինայում պահանջարկ ունեն և լայնածավալ արգելքի հետևանքով շուկայում կհայտնվեն կեղծված ապրանքներ։
