ԱՄՆ-ը գնահատում է ՀՀ-ում ժողովրդավարության տարածման շուրջ զարգացումները
Հայաստանի Հանրապետությունում Միացյալ Նահանգների արտակարգ և լիազոր դեսպան Քրիստինա Քվինը բարձր է գնահատել երկրում գրանված ժողովրդավարական զարգացումները և իրականացված բարեփոխումներն՝ այդ հարցում ընդգծելով վարչապետ Նիկոլ Փաշինյանի դերակատարությունը։
ՀՀ-ում ԱՄՆ դեսպանը նման կարծիք է հայտնել՝ Ժողովրդավարության հայկական 3-րդ ֆորումի շրջանակներում խոսելով Հայաստանում իրականացվող ժողովրդավարական բարեփոխումների մասին։
«Ուզում եմ գնահատել այն զարգացումները, որոնք տեղի են ունեցել ՀՀ-ում ժողովրդավարության գաղափարների տարածման տեսանկյունից»,- նշել է ԱՄՆ դեսպանն՝ այդ հարցում կարևորելով ՀՀ վարչապետ Նիկոլ Փաշինյանի դերակատարությունը։
Դեսպանը նշել է, որ քաղաքացիական հասարակության խմբերն ապահովել են, որպեսզի օրենքի գերակայությունը կիրառելի լինի բոլորի հանդեպ՝ հավելելով, որ այս տեսանկյունից շատ կարևոր է դիտավորյալ և ոչ դիտավորյալ ապատեղեկատվության հաղթահարումը։
Քրիստինա Քվինն իր ելույթում նաև կարևորել է, որ թեև Հայաստանը մարտահրավերների է բախվել՝ ներառյալ սահմանային միջադեպերը, ԼՂ փախստականների ներհոսքը, այդուհանդերձ, հավատարիմ է մնացել ժողովրդավարական ապագային։
«ԱՄՆ-ն հպարտ է, որ այս ամենում աջակցում է Հայաստանին, էներգետիկայի, առևտրի և այլ որորտներում ևս»,-ընդգծել է նա՝ շեշտելով, որ գալիք տարիներին իրենք նպատակադրված են թարմացնել ՀՀ-ԱՄՆ ռազմավարական երկխոսությունը՝ դարձնելով այն ռազմավարական գործընկերություն՝ ապահովելով ավելի արդյունավետ համագործակցություն։
Դեսպան Քվինը հույս է հայտնել, որ այդ համագործակցությունը կամրապնդի ՀՀ-ի ինքնիշխանությունը․
«Ես իսկապես շատ հպարտ եմ այն աշխատանքով, որ արվում է ժողովրդավարության ամրապնդման և մարդու իրավունքների ապահովման տեսանկյունից։ Ինչպես պարոն Բլինքենն է ասել․
«Ժողովրդավարությունը միակ ազդեցիկ գործիքն է մարդկային պոտենցիալն իրացնելու համար։ Հետևաբար, ԱՄՆ-ն աջակցում է ՀՀ-ին՝ պայքարելու կոռուպցիայի դեմ, ոստիկանական բարեփոխումներ իրականացնելու, ազատ ու արդար ընտրությունների կայացման հարցում»։
Նա հաղորդել է, որ ԱՄՆ-ը Հայաստանի հետ նաև աշխատում է մեդիա ազատության ապահովման համար, որպեսզի խոսքի ազատության իրավունքները պահպանված լինեն։
Recent Posts
ՀԾԿՀ-ն սահմանել է նոր կարգավորումներ էլեկտրաէներգիայի հաճախակի ընդհատումների վերաբերյալ
Համաձայն նոր կարգավորումների՝ սպառողի էլեկտրամատակարարման վթարային ընդհատման և դրա վերականգնման Էլեկտրամատակարարման բաշխման ցանցային կանոններով սահմանված…
Հայաստանի ազգային հավաքականը մեկնեց Ֆարերյան կղզիներ․ կանցկացվի Ազգերի լիգայի երրորդ տուրի հանդիպումը
Ֆուտբոլի Հայաստանի ազգային հավաքականը մեկնել է Ֆարերյան կղզիներ, որտեղ այդ երկրի հավաքականի հետ կանցկացնի Ազգերի…
Շարժական մամոգրաֆը Գեղարքունիքի մարզում է
Շարժական մամոգրաֆը Գեղարքունիքի մարզում է։ Մինչև հոկտեմբերի վերջ մամոգրաֆը կլինի Վարդենիս, Մարտունի, Գավառ, Ճամբարակ և…
Թեյլոր Սվիֆթը դարձել է աշխարհի ամենահարուստ կին երաժիշտը
Ամերիկացի փոփ երգչուհի Թեյլոր Սվիֆթը դարձել է աշխարհի ամենահարուստ կին երաժիշտը. հայտնում է Forbes ամսագիրը։…
Ժողովրդավարության հետընթացի պատճառով Վրաստանը կկորցնի ԵՄ-ի 121 միլիոն եվրոյի չափով օգնությունը
Ժողովրդավարության հետընթացի պատճառով Վրաստանը կկորցնի ԵՄ-ի 121 միլիոն եվրոյի չափով օգնությունը, ասվում է Վրաստանում ԵՄ…
Ուկրաինայի հարցերով Ռամշտեյնի ձևաչափով նիստը չեղարկվել է
Երկրների ղեկավարների մակարդակով Ռամշտեյնի ձևաչափով հանդիպումը, որը պետք է տեղի ունենար Գերմանիայում հոկտեմբերի 12-ին, անորոշ…