Ուկրաինան պատրաստ չէ փոխզիջման գնալ Ռուսաստանի հետ և որևէ տարածք տալ պատերազմը դադարեցնելու համար. ընդգծել է Անդրեյ Երմակը՝ պատասխանելով ԱՄՆ նախագահի թեկնածու Դոնալդ Թրամփի հայտարարության մասին հարցին, թե նա կարող է արագ դադարեցնել հակամարտությունը:
Ուկրաինայի նախագահի գրասենյակի ղեկավարը Վաշինգտոն կատարած այցի ժամանակ լրագրողներին ասել է, որ Կիևը կլսի ցանկացած խորհուրդ, թե ինչպես հասնել արդար խաղաղության.
«Բայց մենք պատրաստ չենք փոխզիջման գնալ շատ կարևոր բաների և արժեքների շուրջ՝ անկախության, ազատության, ժողովրդավարության, տարածքային ամբողջականության, ինքնիշխանության», – նշել է նա։
