Կայծակը հարվածել է Մոսկվայից Նովոսիբիրսկ չվերթ իրականացնող ռուսական S7 ավիաընկերության ինքնաթիռին։
Airbus A321 ինքնաթիռի ետթռիչքային զննման ժամանակ կայծակի հետքեր են հայտնաբերվել։ Ենթադրաբար, կայծակը հարվածել է ինքնաթիռին, երբ այն բարձրություն էր հավաքում Մոսկվայում փոթորկի ժամանակ:
«Բարեբախտաբար, ինքնաթիռում գտնվող ուղևորներից ոչ ոք չի տուժել։ Ինքնաթիռը բարեհաջող հասել է Նովոսիբիրսկ»,- ասվում է հաղորդագրության մեջ։
Միջադեպից հետո օդանավը հանվել է թռիչքներից, քանի որ վերանորոգման կարիք ունի։