Շաբաթ օրը Ճապոնիայի մայրաքաղաքում շոգ եղանակի պատճառով հոսպիտալացվել է ջերմային հարվածով 119 մարդ, հաղորդում է NHK հեռուստաալիքը։
Շաբաթ օրը Տոկիոյում ջերմաստիճանը բարձրացել է մինչև 35,5 աստիճան։ Հաղորդվել է նաև, որ Սիկոկու կղզու երկու պրեֆեկտուրայում շոգից երկու մարդ է մահացել։
Կիրակի օրը սպասվում է շոգի ուժգնացում, առանձին հատվածներում՝ մինչև 39 աստիճան։ Օդերևութաբանները բնակչությանը հորդորում են առանց անհրաժեշտության դուրս չգալ փողոց, չփորձել դիմանալ շոգին, միացնել օդորակիչներն ու օդափոխիչները։
