Ռուսաստանի Վորոնեժի մարզում մարդկանց տարհանում է իրականացվել, ուկրաինական անօդաչու սարքերը հարվածել են Սերգիևկա գյուղի զինամթերքի պահեստին:
Նահանգապետ Գուսևի խոսքով՝ տուժածներ չկան, սակայն տարածքի բնակիչները տարհանվել են։ Ճանապարհները փակվել են, դեպքի վայր են ժամանել շտապօգնության ծառայությունները, զինվորականներ և պետական պաշտոնյաներ:
«Վորոնեժի շրջանի Սերգիևկա գյուղում պահվում էին «երկիր-երկիր» և «երկիր-օդ» հրթիռներ, տանկերի և հրետանու արկեր, հրազենի փամփուշտներով արկղեր: Հենց այս պահեստից ռուսները զինամթերք են մատակարարում Ուկրաինայում գտնվող իրենց զորքերին»,- ասել է մի պաշտոնյա՝ անանուն մնալու պայմանով, քանի որ իրավունք չունի այդ տեղեկությունը հաղորդել լրատվամիջոցներին։
Հարվածները տեղի են ունեցել այն բանից հետո, երբ ուկրաինացի զինվորականների ներկայացուցիչը հայտարարել է, որ Կիևի զորքերը նահանջել են Դոնեցկի մարզի ռազմավարական նշանակություն ունեցող Չասով Յարի ծայրամասային թաղամասից:
Ռազմական վերլուծաբանների կարծիքով՝ Չասով Յարի անկումը կարող է սպառնալ նաև մոտակա քաղաքներ ուկրաինական մատակարարման կարևոր ուղիներին, ինչն էլ Ռուսաստանին կմոտեցնի հայտարարված նպատակին՝ գրավել ամբողջ Դոնեցկի շրջանը:
