Լիտվա կատարած աշխատանքային այցի շրջանակում Աշխատանքի և սոցիալական հարցերի նախարար Նարեկ Մկրտչյանը հանդիպում է ունեցել Իսլանդիայի սոցիալական հարցերի և աշխատանքի նախարար Գուդմունդուր Ինգի Գուդբրանդսոնի հետ։
Հանդիպման ընթացքում քննարկվել են աշխատանքի և սոցիալական պաշտպանության ոլորտում համագործակցության ուղղություններին առնչվող մի շարք հարցեր․ շեշտվել է համատեղ ծրագրերի իրականացման կարևորությունը, որը թույլ կտա խոցելի խմբերի համար իրականացվող ծրագրերը դարձնել առավել թիրախային և արդյունավետ։
Այս համատեքստում ընդգծվել է նաև լավագույն փորձի փոխանակման անհրաժեշտությունը, ինչը հնարավորություն կտա նպաստել երկու երկրների ոլորտային առաջընթացին ու զարգացմանը։
Կողմերը պայմանավորվածություն են ձեռք բերել քննարկումները շարունակել նաև փոխադարձ այցերի ձևաչափով։
