«Պարոն Մինասյան, ստացվում է՝ կառավարությունը բերել է օրենքի նախագիծ, որով իր գործունեության շրջանակը նեղացնում, իր հնարավորությունները սահամանափակում է, ընդդիմությունն էլ պաշտպանում է կառավարության շահերը. շատ հետաքրքիր իրավիճակ է»,- այս մասին այսօր ԱԺ արտահերթ նիստում ասաց ԱԺ «Քաղաքացիական պայմանագիր» խմբակցության պատգամավոր Բաբկեն Թունյանը։
Ըստ նրա՝ ամեն ինչ շատ ավելի պարզ է. «Էկոնոմիկայի նախարարությունն իր ֆունկցիաները կատարելու ժամանակ բախվում է մի խոչընդոտի, որը նրան խանգարում է ավելի էֆեկտիվ անել իր գործը, և առաջարկում է այդ խոչընդոտը վերացնել»,- ասաց Թունյանը՝ առաջարկելով հանձնաժողովի նիստին ներկայացնել առաջարկությունները։
