Ռոստովի մարզում հուլիսի 13-ի առավոտյան, անօդաչու թռչող սարքի հարձակումից հետո նավթաբազայում հրդեհ է բռնկվել: Նախնական տվյալներով՝ տուժածներ չկան։
Հրդեհին տրվել է բարդության երրորդ աստիճան՝ ասել է նահանգապետ Վասիլի Գոլուբևը:Պատերազմի սկզբից ռուսական շրջանները պարբերաբար հայտնվում են Ուկրաինայի կրակի տակ։
Վերջին անգամ Ռոստովի մարզի վրա դրոնային հարձակում է տեղի ունեցել հուլիսի 9-ի գիշերը։ Այդ ժամանակ հակաօդային պաշտպանության ուժերը տարածաշրջանի մի քանի շրջանում մի քանի տասնյակ անօդաչու թռչող սարք են ոչնչացրել։
Հարձակման հետևանքով այրվել է էլեկտրական ենթակայանի երկու տրանսֆորմատոր՝ հայտնել է նահանգապետը։
