ԱՄՆ նախագահ Ջո Բայդենը դիմել է ամերիկացիներին ԱՄՆ նախկին նախագահ Դոնալդ Թրամփի վրա հարձակման դեպքի թեմայով.
«Դեռ չգիտենք կրակողի դրդապատճառները։ Չգիտենք նրա կարծիքը։ Չգիտենք՝ նա որևէ օգնություն կամ աջակցություն ունե՞ր, թե՞ որևէ մեկի հետ է խոսել։ Իրավապահները հետաքննում են այդ հարցերը: Ուզում եմ ասել այն, ինչ գիտեմ. նախկին նախագահի վրա կրակել են։ Գիտեք, որ երկրում քաղաքական իրավիճակը շատ է լարվել։ Ժամանակն է, որ բոլորը սթափվեն։ Մենք պարտավոր ենք դա անել: Այո, մենք շատ տարաձայնություններ ունենք։ Այս ընտրություններում խաղադրույքները մեծ են։ Մեր կատարած ընտրությունները կձևավորեն Ամերիկայի և աշխարհի ապագան գալիք տասնամյակների ընթացքում», – նշել է Բայդենը։