Հարավչինական ծովում մեկնարկել են «Ծովային համագործակցություն 2024» ռուս-չինական համատեղ ռազմածովային զորավարժությունները։
Զորավարժությունների ընթացքում, որոնց կմասնակցի չինական ռազմածովային ավիացիան, կիրականացվեն պոտենցիալ հակառակորդի նավերի և սուզանավերի հետախուզում և որոնում։
Այնուհետև Ռուսաստանի Դաշնության և Չինաստանի նավերը հրետանային և հրթիռային հարվածներ կհասցնեն տարբեր տեսակի հայտնաբերված թիրախներին։
Միջոցներ կլինեն նաև բաց ծովում նավերի հակաօդային պաշտպանության և հակադիվերսիոն պաշտպանության համար։
Ավելի վաղ ՌԴ ՊՆ-ն հայտարարել էր, որ Խաղաղ օվկիանոսում ռուսական և չինական նավերի համատեղ պարեկությունն ուղղված չէ այլ երկրների դեմ։
