Ռուսաստանի նախագահ Վլադիմիր Պուտինի անվտանգությունն ուժեղացվել է՝ անկախ այլ երկրների ղեկավարների դեմ մահափորձերից, և արվում է ամեն անհրաժեշտը՝ դա ապահովելու համար։ Այս մասին լրագրողներին հայտնել է ՌԴ պետության ղեկավարի մամուլի քարտուղար Դմիտրի Պեսկովը։
«Անվտանգությունն արդեն ուժեղացվել է հասկանալի պատճառներով՝ անկախ նշված միջադեպերից: Պետության ղեկավարի անվտանգությունն ապահովված է պատշաճ մակարդակով, արվում է այն ամենը, ինչ պետք է արվի՝ հաշվի առնելով, իհարկե, ընդհանուր լարվածության միջազգային սրումը», – ասել է Կրեմլի խոսնակը՝ պատասխանելով ԱՄՆ նախկին նախագահ Դոնալդ Թրամփի և Սլովակիայի վարչապետ Ռոբերտ Ֆիցոյի դեմ մահափորձից հետո Պուտինի անվտանգության միջոցների ուժեղացման անհրաժեշտության մասին հարցին։
