Լեհաստանում ռմբապաստարաններ կկառուցվեն

Լեհաստանի իշխանությունները գրեթե ավարտել են օդային հարվածների ապաստարանների կառուցման մասին օրենքի աշխատանքները։ Այս մասին Rzeczpospolita թերթին հաստատել է հանրապետության ՆԳՆ ղեկավար Տոմաշ Սիեմոնյակը։

Նոր օրենսդրական ակտում հիմնական դերը տրված է տեղական իշխանություններին։ Հենց նրանք պետք է վերահսկեն ռմբապաստարանների պարտադիր ստեղծման ընթացքը բազմաբնակարան շենքերի, հասարակական հաստատությունների, ստորգետնյա ավտոտնակների և ենթակառուցվածքային օբյեկտների կառուցման ժամանակ։ Ապաստարանների և կացարանների կառուցման նախորդ հանձնարարականներում հիմնական դերը տրվել է երկրի կառավարությանը։ Նոր օրենքի համաձայն՝ ապաստարաններում տեղերի թիվը պետք է կազմի յուրաքանչյուր բնակավայրի բնակիչների թվի առնվազն 50%-ը։