ՆԱՏՕ-ն Վրաստանի իշխանություններին կոչ է անում արագացնել բարեփոխումները՝ ի շահ եվրոատլանտյան ինտեգրման։ Այդ մասին «X»-ում գրել է Հարավային Կովկասում և Կենտրոնական Ասիայում դաշինքի հատուկ ներկայացուցիչ Խավիեր Կոլոմինան։
«ՆԱՏՕ-ն աջակցում է Վրաստանի ինքնիշխանությանը և տարածքային ամբողջականությանը, հավատարիմ է Վրաստանի հետ երկարամյա գործընկերությանը և կառավարությանը կոչ է անում արագացնել բարեփոխումները՝ ամրապնդելու ժողովրդավարական ինստիտուտները և Վրաստանը դեպի եվրաատլանտյան ինտեգրում առաջ տանելու, դրանով, միաժամանակ, առաջ մղելով վրաց ժողովրդի ձգտումները», – գրել է Կոլոմինան։
