Ռուսական Ուրալի «Ֆորես» ընկերությունը մտադիր է ռուսական կործանիչներին վճարել 15 մլն ռուբլի պարգև, եթե նրանք ոչնչացնեն ուկրաինական պատերազմական գոտու առաջին F-16 կործանիչը։ Այդ մասին ՌԴ պաշտպանության նախարարության հրապարակած տեսանյութում հայտնել է ընկերության սոց․ աշխատանքների գծով փոխտնօրեն Իլյա Պոտանինը։

«Ֆորես» ընկերությունը մասնագիտացած է նավթա-գազային ոլորտում կերամիկական սարքավորումների արտադրմամբ։ Ավելի վաղ ընկերության գլխավոր տնօրեն Սերգեյ Շմոտևը Սանկտ Պետերբուրգի միջազգային տնտեսական ֆորումի շրջանակներում հայտարարել էր, որ 15 միլիոն ռուբլու պարգև կտա առաջին խոցված F-16 կործանիչի համար։