«Վրացական երազանքի» պատվավոր նախագահ Բիձինա Իվանիշվիլին ելույթ է ունեցել նախընտրական քարոզարշավի բացմանը և «Վրացական երազանքի» նոր կենտրոնական գրասենյակի բացմանը։
«Բոլորին պարզ է, որ եթե Վրաստանը ներքաշվի պատերազմի մեջ, ավելի ծանր հետևանքներ կունենա, քան Ուկրաինան։ Նման արդյունքից խուսափելը առաջնահերթ խնդիր է, որը վերջնականապես կլուծվի հոկտեմբերի 26-ին՝ «Վրացական երազանքի» հերթական հաղթանակով։
Մեզ անհրաժեշտ է դիմանալ առավելագույնը մեկ տարի, որից հետո արմատապես կփոխվեն ինչպես համաշխարհային, այնպես էլ տարածաշրջանային քաղաքական շահերը, ինչպես նաև շահերը՝ կոնկրետ Վրաստանի հետ կապված։
Ուկրաինայում պատերազմը կավարտվի ամենաուշը մեկ տարի հետո, իսկ եթե հանրապետականները հաղթեն Ամերիկայի նախագահական ընտրություններում, պատերազմը կարող է ավարտվել նույնիսկ հունվարին։
Ըստ այդմ, գլխավորն այս փոքր ժամանակում հաղթելն է, և հենց պատերազմն ավարտվի, Ամերիկայի և Եվրոպայի հետ բոլոր թյուրիմացությունները անմիջապես կմնան անցյալում, իսկ Վրաստանը կդառնա աշխարհի խաղացողների համար բոլորովին այլ հետաքրքրության առարկա»,- ասել է Իվանիշվիլին։
