Գյումրիի նախկին քաղաքապետ Վարդան Ղուկասյանը, որդին՝ Սպարտակը, դուստրը՝ Մանյան և ընտանիքի մյուս անդամներն ապօրինի գույքի բռնագանձման վարույթի շրջանակներում հրավիրվել են դատախազություն։

Ծանուցման մեջ նշված է, որ դատախազության ապօրինի ծագում ունեցող գույքի բռնագանձման գործերով վարչությունում Ղուկասյաններին պատկանող գույքի առնչությամբ իրականացվել է ուսումնասիրություն, որի արդյունքում կազմվել է ամփոփագիր: Եւ ահա, Ղուկասյանները հրավիրվել են՝ գործի նյութերին ծանոթանալու, դիրքորոշում հայտնելու համար։