2024-07-25
Հնդկաստանը հայտնել է սեփական արտադրության հրթիռի փորձարկման մասին
Չորեքշաբթի Հնդկաստանը հաջողությամբ փորձարկել է հայրենական արտադրության Advansed Area Defense (AD) հրթիռը՝ երկրի հակահրթիռային պաշտպանության ազգային համակարգի (BMD) կառուցման երկրորդ փուլի շրջանակներում: Այս մասին հայտնում է The Times of India թերթը՝ հղում անելով Հնդկաստանի պաշտպանական հետազոտությունների և զարգացման կազմակերպությանը (DRDO):Օդիշայի Չինդիպուր փորձադաշտից արձակված հրթիռը հաջողությամբ խոցել է հեռահար բալիստիկ հրթիռ մոդելավորող թիրախը։
«Փորձարկումների նպատակը լիովին իրականացվել է: Նրանք հաստատել են ցանցակենտրոն հակահրթիռային պաշտպանության համակարգի, վաղ նախազգուշացման համակարգերի, կապի համակարգերի և երկրորդ սերնդի կալանիչ հրթիռների հուսալիությունը»,-ասել է DRDO-ն:
Հնդկաստանի պաշտպանության նախարար Ռաջնաթ Սինգհը շնորհավորել է հրթիռներ մշակողներին հաջող փորձարկումների կապակցությամբ։
«Նրանք կրկին ցուցադրել են Հնդկաստանի հակահրթիռային պաշտպանության հնարավորությունները», – ասել է գերատեսչության ղեկավարը։
Նմանատիպ Նյութեր