ԱՄՆ պետդեպարտամենտի Եվրոպայի ու Եվրասիայի հարցերով փոխպետքարտուղար Օ’Բրայենը սենատական լսումների ժամանակ անդրադարձել է Ադրբեջանի կողմից Հայաստանի ռազմավարական տարածքներն օկուպացված պահելու մասին հարցին։
«Կողմերը համաձայնության են եկել սահմազատման գործընթացի վերաբերյալ, համաձայնել են՝ որոնք են սահմանները։ Եւ դուք ճիշտ եք՝ կան տարածքներ, որոնք երկու կողմն էլ շարունակում է օկուպացված պահել՝ համաձայն այն սահմանի, որի շուրջ նրանք ընդհանուր հայտարարի են եկել։ Բայց դա պրոցես է, և կողմերը շարունակում են այդ ուղղությամբ աշխատել», – նշել է Օ՛ Բրայենը։
Հարցին, թե խաղաղության գործընթացն արդյո՞ք զբաղվում է նաև այդ տարածքների հարցերով Օ՛ Բրայենը պատասխանել է, թե խաղաղության պայմանագրում հղում է լինելու այլ կարգավորումների, որոնց համաձայն ապագայում պետք է կարգավորվեն այդ հարցերը։
Իսկ հանձնաժողովի նախագահն արձագանքել է. «Այդ գործընթացը կարող է տարիներ տևել, և մենք ունենալու ենք մեկ այլ Մոլդովա ու մեկ այլ Վրաստան»։
