ԱՄՆ-ը դիտարկում է վրացի պաշտոնյաների և քաղաքական գործիչների դեմ նոր պատժամիջոցներ կիրառելու հարցը, հայտարարել է ԱՄՆ պետքարտուղարի Եվրոպայի և Եվրասիայի հարցերով տեղակալ Ջեյմս Օ’Բրայենը։
Վրաստանում ստեղծված իրավիճակը քննարկվել է ԱՄՆ Սենատի արտաքին հարաբերությունների հանձնաժողովում Եվրոպայի ապագայի վերաբերյալ լսումների ժամանակ։ Օ’Բրայենը ընդգծել է երեք հիմնական խնդիր՝ հոկտեմբերին կայանալիք խորհրդարանական ընտրությունները, «օտարերկրյա գործակալների մասին» օրենքը և չինացի ներդրողների ժամանումը Անակլիայում խորը ծովային նավահանգիստ կառուցելու նախագծում։
