Եվրոպական խորհրդի նախագահ Շառլ Միշելը վերսկսում է Հարավային Կովկասում կայուն խաղաղություն հաստատելու ջանքերը։
POLITICO-ի հետ զրույցում երկու բարձրաստիճան դիվանագետ հաստատել են, որ Բելգիայի նախկին վարչապետը երկկողմ հանդիպումներ է ունեցել ինչպես Հայաստանի, այնպես էլ Ադրբեջանի ղեկավարների հետ այս ամսվա սկզբին Միացյալ Թագավորությունում Եվրոպական քաղաքական համայնքի գագաթնաժողովի շրջանակներում: Միշելը նաև նամակ է գրել երկու կողմերին՝ կոչ անելով վերադառնալ սեղանի շուրջ և «ավարտին հասցնել խաղաղության համաձայնագիրը»՝ առաջընթաց գրանցելով չլուծված հարցերի շուրջ, ինչպիսիք են սահմանների սահմանազատումը:
«Վերջիվերջո, երկու կողմերն էլ պետք է դադարեցնեն խաղերը և կնքեն գործարքը, քանի որ նախագահ Միշելն արել է հնարավոր ամեն ինչ՝ խաղաղության համաձայնագրի հասնելու համար», – ասել է Միշելի մոտ կանգնած ԵՄ բարձրաստիճան դիվանագետը:
