Հյուսիսատլանտյան դաշինքից Թուրքիային հեռացնելու Իսրայելի կոչն այնտեղ աջակցություն չի գտնի։ Թուրքիայի անդամակցությունը ՆԱՏՕ-ին չի կարող կասկածի տակ դրվել, կարծում է այդ երկրի արտգործնախարար Հաքան Ֆիդանը։
Թուրքիայի նախագահ Թայիփ Էրդողանը հուլիսի 28-ին ասել է, որ իր երկիրը կարող է «մտնել Իսրայել» այնպես, ինչպես մտել է Լեռնային Ղարաբաղ և Լիբիա։ Իսրայելի արտգործնախարար Իսրայել Կացն արձագանքել է՝ կոչ անելով ՆԱՏՕ-ից հեռացնել Թուրքիային, որն այս դաշինքի ամենահին անդամներից է։
«Թուրքիայի անդամակցությունը ՆԱՏՕ-ին չի կարող կասկածի տակ դրվել։ Բացի այդ, Թուրքիան միակ երկիրը չէ, որի կարծիքը պաղեստինյան հարցում չի համընկնում Արեւմուտքի հետ։
Կան այլ երկրներ, որոնք Իսրայելի դեմ դիրքորոշում են ընդունում, բայց նրանց ձայնի տոնայնությունը կարող է տարբեր լինել։
Պաղեստին պետության ճանաչման համատեքստում Իսպանիան, Իռլանդիան և Նորվեգիան պաշտոնապես բարձրաձայնել են իրենց դիրքորոշումը»,-ասել է Ֆիդանը։
