Միացյալ Նահանգների և եվրոպացի դիվանագետները հրատապ բանակցություններ են վարել Մերձավոր Արևելքում տիրող իրավիճակի շուրջ։ Նրանք փորձում են խուսափել լայնամասշտաբ պատերազմից տարածաշրջանում պաղեստինյան ՀԱՄԱՍ-ի քաղբյուրոյի ղեկավար Իսմայիլ Հանիեի սպանությունից հետո, հայտնում է Financial Times-ը (FT)՝ հղում անելով աղբյուրներին։
Նրանց տվյալներով՝ ԵՄ արտաքին քաղաքականության ծառայության ղեկավարի տեղակալ Էնրիկե Մորան երեկ՝ հուլիսի 31-ին, «կրիտիկական կարեւոր» բանակցություններ է անցկացրել Թեհրանում։
Նույն օրը Սաուդյան Արաբիայում բանակցություններ է վարել ԱՄՆ Սպիտակ տան Ազգային անվտանգության խորհրդի համակարգող Բրեթ Մաքգուրքը, որը պատասխանատու է Մերձավոր Արևելքի և Հյուսիսային Աֆրիկայի համար:
Ինչպես պարզաբանել են անանուն պաշտոնյաները, քննարկումները կենտրոնացած են եղել Իրանին համոզելու վրա՝ կա՛մ չպատասխանել հարձակմանը, կա՛մ սահմանափակվել «խորհրդանշական գործողություններով»:
«Երեկ գիշերվանից բոլորը ճնշում են գործադրում Թեհրանի վրա՝ հակահարված չտալու և իրավիճակը զսպելու համար»,- պարզաբանել է արևմտյան բանակցողներից մեկը։
