Էներգաարդյունավետության էքսպո Իջևանում

«Փոքրամասշտաբ էներգաարդյունավետ լուծումներ Հայաստանի Հանրապետության գյուղաբնակների համար» նախաձեռնության մարկեթինգային արշավի շրջանակում Իջևանում կազմակերպվել էր Էներգաարդյունավետության էքսպո, որի նպատակն էր նպաստել տեղական համայնքների և տնային տնտեսությունների շրջանում էներգաարդյունավետ տեխնոլոգիաների և փորձի իրազեկմանն ու կիրառմանը։

Էքսպոյի ընթացքում բացվել էին 10 տաղավարներ՝ ներկայացնելով էներգաարդյունավետ վառարաններ, արևային վահանակներ, տեղական արտադրության արևային ջրատաքացուցիչներ, տների ջերմամեկուսուցաման տարատեսակ նյութեր, կենսազանգվածային բրիկետներ։ Բոլոր տաղավարները նվիրված էին էներգաարդյունավետ տարատեսակ արտադրանքներին և տեղեկատվական նյութերին: Էքպոյում ներկայացված էին նաև բանկեր՝ տեղեկացնելու բնակչությանը վարկերի և այլ ծրագրերի միջոցով հասանելի ֆինանսական տարբեր հնարավորություններ:

Նախաձեռնությունը իրականացվել է «Գերմանական խնայողական բանկերի միջազգային համագործակցության միավորման» հայաստանյան ներկայացուցչության կողմից «ԵՄ-ն հանուն Հայաստանի համայնքներում էներգաարդյունավետության և վերականգնվող էներգիայի» ծրագրի շրջանակներում, որը համաֆինանսավորվում է Եվրոպական միության և Գերմանիայի Դաշնային Հանրապետության տնտեսական համագործակցության և զարգացման նախարարության (ԳԴՀ ՏՀԶՆ) կողմից և իրականացվում է Գերմանական միջազգային համագործակցության ընկերության (GIZ) կողմից՝ որպես «ԷԿՈսերվ» ծրագրի մաս:

Թիվ 1