Հյուսիսային Կորեայի առաջնորդ Կիմ Չեն Ընը մատնանշել է երկրի պաշտպանունակության ուժեղացման անհրաժեշտությունը, սակայն չի բացառել Վաշինգտոնի հետ բանակցությունների հնարավորությունը։ Նրա խոսքերը մեջբերում է Կորեայի կենտրոնական լրատվական գործակալությունը (KCNA):
Ժողովրդական հանրապետության ղեկավարը օգոստոսի 4-ին ելույթ է ունեցել զորքերին 250 նոր մարտավարական հրթիռային համակարգերի հանձնման արարողությանը։
«Ե՛վ բանակցությունները, և՛ առճակատումը կարող են լինել մեր ընտրությունը, բայց մենք պետք է ավելի մանրակրկիտ պատրաստ լինենք առճակատման»,-ասել է Կիմ Չեն Ընը:
Նրա խոսքով՝ ԱՄՆ-ի հետ վերջին 30 տարվա փոխգործակցությունը ԿԺԴՀ իշխանություններին այս եզրակացության է հանգեցրել։
Միաժամանակ, Կիմ Չեն Ինը վստահ է Կորեայի ժողովրդական բանակի ռազմական գերազանցության մեջ։
«Մենք ձեռնարկել ենք օպերատիվ նախաձեռնություն ողջ ճակատի երկայնքով՝ հիմնվելով հարձակողական և հարվածային ուժերում հակառակորդի նկատմամբ բացարձակ գերազանցության վրա և բարձրացրել ենք արդյունավետությունը մարտավարական միջուկային զենքի գործնական կիրառման տեսանկյունից»,-մեջբերում է KCNA-ն նրա խոսքերը։
ԿԺԴՀ ղեկավարը հայտնել է, որ նոր հրթիռային համակարգերն արտադրվել են մեկ տարուց էլ քիչ ժամանակում։
