Գերմանիան պատրաստվում է Լիբանանից տարհանել իր քաղաքացիներին

Գերմանական իշխանություններն այսօր պատրաստվում են սկսել իրենց քաղաքացիների տարհանումը Լիբանանից և Մերձավոր Արևելքի այլ երկրներից Կիպրոսի միջոցով՝ Իսրայելի և Իրանի միջև հակամարտության սրման մտավախության ֆոնին:

Այս մասին հայտնում է Կիպրոսի հեռարձակման կորպորացիան (CyBC) :

Լրատվամիջոցի տեղեկություններով՝ Ներքին Սաքսոնիայի դաշնային նահանգում A400M տրանսպորտային ինքնաթիռները պատրաստ են թռչել Բեյրութ։

Ինչպես նշում է CyBC-ն, պոտենցիալ հակամարտության գոտում ապրում է Գերմանիայի մոտ 2 հազար քաղաքացի։ Սպասվում է, որ անհրաժեշտության դեպքում նրանց մեկ շաբաթվա ընթացքում կտարհանեն ոչ միայն օդային, այլեւ ծովային ճանապարհով։

Իր հերթին Կիպրոսի լրատվական գործակալությունը հայտնում է Լիբանանում Շվեդիայի դեսպանատան աշխատակիցների՝ Կիպրոս ժամանակավոր տեղափոխման մասին, նրանք օգոստոսի 1-ին իրենց ԱԳՆ-ից հրահանգներ են ստացել տեղափոխվել՝ տարածաշրջանում անվտանգության վատթարացման պատճառով:

Կիպրոսում Շվեդիայի դիվանագիտական ​​ներկայացուցչությունը գործակալությանը հայտնել է, որ դիվանագետները կղզում կմնան առնվազն մինչև օգոստոս, իսկ անհրաժեշտության դեպքում՝ ավելի երկար։