Հնդկաստանի և Բանգլադեշի միջև առևտուրն ամբողջությամբ դադարեցվել է Բանգլադեշի վարչապետ Շեյխ Հասինայի հրաժարականից հետո քաղաքական ճգնաժամի ֆոնին։ Այդ մասին ՏԱՍՍ-ին հայտնել է Հնդկաստանի արտահանող ընկերությունների միության նախագահ Աշվանի Կումարը։
«Առևտուրն ամբողջությամբ դադարեցվել է օգոստոսի 5-ից, թեև վերջին 15 օրվա ընթացքում արդեն եղել են առանձին խափանումներ», – ասել է Կումարը:
Նա հիշեցրել է, որ 2023-24 թվականներին Հնդկաստանի արտահանումը Բանգլադեշ կազմել է 11 միլիարդ դոլար։
Մատակարարվում էր բամբակ, նավթամթերք, ավտոմեքենաներ և դրանց դետալներ, մանվածք և գործվածքներ, հացահատիկներ, մրգեր և բանջարեղեն, թեյ, սուրճ, համեմունքներ և կենդանիների կեր:
Բանգլադեշից հնդկական ներմուծման մեջ գերակշռում էին հագուստը, տեքստիլը, կաշվե իրերը, կենդանիների կերը և ձկները:
