Սիրիայում գտնվող ամերիկյան զորքերը ենթարկվել են անօդաչու թռչող սարքի հարվածների, նախնական տվյալներով զոհեր չկան, շաբաթ օրը Reuters-ին հայտնել է ամերիկացի պաշտոնյան։
«Նախնական տվյալներով՝ վիրավորներ չկան։ Ներկայումս մենք գնահատում ենք վնասը», – ասել է ամերիկացի պաշտոնյան՝ անանուն մնալու պայմանով։
Ավելի վաղ «ՌԻԱ Նովոստիին» սիրիական աղբյուրը հայտնել էր, որ ԱՄՆ-ի զինված ուժերը Սիրիայի հյուսիսում ակտիվացրել են զորավարժությունները, ինտենսիվ ներմուծում են նոր տեխնիկա, ինչպես նաև ամրացնում են իրենց բազաները դիտորդական աշտարակներով և հակաօդային պաշտպանության համակարգերով։
