Իտալիայի և Շվեյցարիայի արտաքին գործերի նախարարներ Անտոնիո Տայանին և Իգնացիո Կասիսը պայմանավորվել են համագործակցել Ուկրաինայում խաղաղ կարգավորման վերաբերյալ երկրորդ միջազգային համաժողովի կազմակերպման հարցում՝ բոլոր կողմերի, այդ թվում՝ Ռուսաստանի Դաշնության մասնակցությամբ, ինչպես նաև հաշվի առնելով մինչ այժմ արված առաջարկները՝ վերջ տալու կոնֆլիկտին։
Նախարարներն ասում են, որ խաղաղ կարգավորման հասնելը ներառում է «մասնակցություն և երկխոսություն բոլոր շահագրգիռ կողմերի հետ»:
«Նախարարները պայմանավորվել են սերտ կապի մեջ մնալ՝ համագործակցելու նպատակով կողմերի, այդ թվում՝ Ռուսաստանի և բոլոր համապատասխան գլոբալ խաղացողների մասնակցությամբ, խաղաղության երկրորդ գագաթնաժողովի անցկացման համար լավագույն պայմաններ ստեղծելու նպատակով»,- ասվում է հայտարարության մեջ։