ԱՄՆ նախագահի Հանրապետական կուսակցության թեկնածու Դոնալդ Թրամփը քննադատել է իր դեմոկրատ մրցակից Քամալա Հարիսին՝ նրան անվանելով «կոմունիստ»։
«Ընկեր Քամալա Հարիսը վտանգավոր է մեր երկրի համար: Նա կոմունիստ է, միշտ կոմունիստ է եղել և միշտ էլ կլինի կոմունիստ։
Նրա «ղեկավարության» ներքո Միացյալ Նահանգները կսնանկանա և արագ կսնանկանա»,- գրել է Թրամփը Truth Social սոցիալական ցանցում:
Օգոստոսի 17-ին Թրամփը քննադատել է Հարիսի տնտեսական ծրագիրը՝ ասելով, որ նա իրեն դրսևորել է որպես «լրիվ կոմունիստ»։
Ավելի վաղ դեմոկրատ թեկնածուն խոստացել էր ընտրություններում հաղթելու դեպքում մտցնել պարենային ապրանքների գների բարձրացման դեմ պատմության մեջ առաջին դաշնային արգելքը՝ բարձր ինֆլյացիայի ֆոնին:
Թրամփը, մեկնաբանելով նրա առաջարկը, կարծիք է հայտնել, որ նման նախաձեռնությունները «նախկինում երբեք չեն աշխատել»։
