Կապիկի ծաղիկի նոր ալիքը եվրոպական երկրների համար նույն վտանգը չի ներկայացնում, ինչ COVID-19 համաճարակը։
Այս մասին հայտարարել է Առողջապահության համաշխարհային կազմակերպության (ԱՀԿ) Եվրոպական տարածաշրջանային բյուրոյի ղեկավար Հանս Կլյուգեն։
«Կապիկի ծաղիկը նոր COVID-19 չէ։ Մենք գիտենք, թե ինչպես կարելի է վերահսկել Կապիկի ծաղիկը Եվրոպական տարածաշրջանում և նաև պատկերացում ունենք այն քայլերի մասին, որոնք պետք է ձեռնարկվեն՝ հիվանդության տարածումից խուսափելու համար», – բացատրել է Կլյուգեն:
Բյուրոյի ղեկավարը հավելել է, որ եվրոպական կառավարությունները և առողջապահության գերատեսչությունները սովորել են անհրաժեշտ միջոցներ կիրառել 2022 թվականից ի վեր։
Սակայն սպառնալիքն ամբողջությամբ վերացնելու համար, նրա խոսքով, բավարար ռեսուրսներ և պարտավորություններ չկան:
