Այսօր ՀԱՄԱՍ-ի պատվիրակությունը ժամանել է Կահիրե՝ միջնորդների մասնակցությամբ Գազայի հարցով բանակցությունների արդյունքները դիտարկելու համար, ասվում է շարժման X սոցիալական ցանցում հրապարակված հայտարարության մեջ։
«Այս գիշեր ՀԱՄԱՍ-ի պատվիրակությունը՝ Խալիլ Ալ-Հայյայի գլխավորությամբ, Եգիպտոսից և Քաթարից միջնորդ եղբայրների հրավերով ժամանում է Կահիրե»,- ասված է հայտարարության մեջ։
Շարժման ղեկավարությունը նշել է, որ ՀԱՄԱՍ-ի դիրքորոշումը մնում է անփոփոխ՝ հուլիսի 2-ին ԱՄՆ նախագահ Ջո Բայդենի նախաձեռնության և ՄԱԿ-ի Անվտանգության խորհրդի որոշման հիման վրա իրենց ներկայացրած առաջարկի համաձայն։
««ՀԱՄԱՍ»-ը հաստատում է իր պատրաստակամությունը՝ կատարել այն պայմանները, որոնց համաձայն ձեռք են բերվել պայմանավորվածություններով (հուլիսի 2-ին) և պահանջում է ճնշում գործադրել օկուպանտների (Իսրայելի) վրա, որպեսզի նրանք նույնպես կատարեն պայմանները և դադարեցնեն բանակցություններին խոչընդոտելը»,- ասվում է հայտարարության մեջ։
