Ատոմային էներգիայի միջազգային գործակալության (ՄԱԳԱՏԷ) ղեկավար Ռաֆայել Գրոսսին օգոստոսի 27-ին կայցելի Կուրսկի ատոմակայան՝ անձամբ գնահատելու այնտեղ տիրող իրավիճակը։ Այս մասին ասվում է կազմակերպության կայքում հրապարակված մամուլի հաղորդագրության մեջ, փոխանցում է ՏԱՍՍ-ը:
«Կուրսկի ատոմակայանի մոտ նոր իրադարձությունների և ռազմական ակտիվության լույսի ներքո ես ուշադիր հետևում էի իրավիճակին:
Իրավիճակը անընդհատ փոխվում է: Կարևոր է, որ վաղը ատոմակայանում ես ինքս կտեսնեմ, թե ինչ է կատարվում, և կքննարկեմ հետագա գործողությունների եղանակները, որոնք կարող են պահանջվել Կուրսկի ԱԷԿ-ի ֆիզիկական և միջուկային անվտանգության պայմանները գնահատելու համար»,- ասել է Գրոսին։
Նրա խոսքով՝ զինված հակամարտությունների ժամանակ միջուկային անվտանգության, ինչպես նաև հատուկ Զապորոժյեի ԱԷԿ-ի համար մշակված սկզբունքները կարող են կիրառվել նաև Կուրսկի ԱԷԿ-ի նկատմամբ։
Գրոսսին օբյեկտի շուրջ ստեղծված իրավիճակը լուրջ է անվանել և ընդգծել, որ ՄԱԳԱՏԷ-ն հոգ է տանում բոլոր ատոմակայանների միջուկային և ֆիզիկական անվտանգության մասին։
Նրա խոսքով՝ գործակալությունը ինքնուրույն գնահատական կտա կայանում տիրող իրավիճակին, ինչը հնարավոր է միայն այնտեղ մեկնելու դեպքում։
