Իսպանական «Սևիլիայի» հասարակայնության հետ կապերի տնօրեն Ալվարո Ռամիրեսը հերքել է լուրերը, թե ակումբը պատրաստվում է ձեռք բերել Նաիր Թիկնիզյանին.
«Մենք արդեն «Բրայթոնից» վարձակալել ենք ձախ պաշտպան Վալենտին Բարկոյին։ Թիկնիզյանը «Սևիլիա» չի տեղափոխվի»,- Ալվարո Ռամիրեսի խոսքերը մեջբերում է Sport24-ը։
Ավելի վաղ ռուս ինսայդեր Իվան Կարպովը սոցցանցերում գրել էր, որ իսպանական Լա լիգան ներկայացնող ակումբը ցանկացել է մինչև այս մրցաշրջանի ավարտն անվճար վարձակալել 25-ամյա հայ ֆուտբոլիստին, այնուհետև 5 միլիոն եվրոյով գնել նրա տրանսֆերը։
«Սևիլիան» այդ գումարը պետք է վճարեր մինչև 2027թ. հուլիս: Առաջարկը չէր գոհացրել «Լոկոմոտիվին»։
