Գազայի հատվածում իսրայելցի զինվորականների գործողությունների հետևանքով վերջին 24 ժամվա ընթացքում առնվազն 41 մարդ է զոհվել, ևս 113-ը վիրավորվել։ Այս մասին հայտնում է Al Jazeera հեռուստաալիքը՝ հղում անելով Պաղեստինի անկլավի առողջապահության նախարարությանը։
2023 թվականի հոկտեմբերին Գազայում իսրայելական ռազմական գործողության մեկնարկից ի վեր զոհերի ընդհանուր թիվը կազմել է 40 476, առնվազն 93 647 պաղեստինցի վիրավորվել է։
Իրավիճակը Մերձավոր Արևելքում կտրուկ վատթարացել է այն բանից հետո, երբ 2023 թվականի հոկտեմբերի 7-ին Գազայի հատվածից Իսրայելի տարածք ներթափանցեցին պաղեստինյան արմատական ՀԱՄԱՍ շարժման զինյալները։
Ի պատասխան՝ Իսրայելը ռազմական գործողություն սկսեց անկլավում, որի նպատակն էր ոչնչացնել ՀԱՄԱՍ-ի ռազմաքաղաքական կառույցը և ազատ արձակել բոլոր առևանգվածներին։ Գազայի հատվածում մարտերը շարունակվում են մինչ օրս։
