Ուկրաինայի արևմտյան դաշնակիցները շարունակում են վախենալ ռուսական պատասխան գործողություններից՝ Կիևին զենքի մատակարարումների ավելացման համար: Այս մասին հայտարարել է Ուկրաինայի ԱԳՆ ղեկավար Դմիտրի Կուլեբան։
«Ամենամեծ խոչընդոտը, որին բախվել է Ուկրաինան ի սկզբանե, մեր դաշնակիցների որոշումների կայացման գործընթացում էսկալացիայի հայեցակարգն է»,- ասել է նա Լեհաստանի արտգործնախարար Ռադոսլավ Սիկորսկու հետ Օլշտինում կայացած Future Poland ֆորումում։
Ըստ Կուլեբայի, «Ուկրաինայի յուրաքանչյուր խնդրանք նոր տեսակի զենքի վերաբերյալ սկզբում մերժման է բախվում»:
Ուկրաինայի ԱԳՆ ղեկավարը հավելել է, որ արևմտյան գործընկերները նաև հրաժարվում են Կիևի հետ քննարկել ապագայում Մոսկվայի հետ հարաբերությունների հարցը։
«Մեր գործընկերները չեն ցանկանում խոսել Ռուսաստանի մասին»,- հավելել է նա։
