Ուկրաինան կարող է օգտագործել F-16-ն առանց սահմանափակումների

Նիդեռլանդների իշխանությունները չեն սահմանափակում F-16 կործանիչների օգտագործումն ու հեռահարությունը, որոնք փոխանցվել են Ուկրաինային։ Այս մասին NOS հեռուստաալիքին ասել է Նիդերլանդների զինված ուժերի հրամանատար, գեներալ Օննո Էյխելսհայմը։

«Մենք որևէ սահմանափակում չենք դնում F-16-ի օգտագործման և հեռահարության վրա, քանի դեռ պահպանվում են պատերազմի օրենքները»,-ասել է նա:

Մինչ այս՝ Associated Press-ը հայտնել էր, որ Ուկրաինան պնդում է, որ ունի նոր հեռահար զինատեսակներ։

Խոսքը «Պալյանիցա» անօդաչու հրթիռի մասին է, որն ունի ամերիկյան ATACMS հրթիռի նման բնութագրեր՝ մինչև 700 կմ հեռահարությամբ։