Չինաստանը և Միացյալ Նահանգները պետք է դառնան աշխարհում խաղաղության և կայունության աղբյուր, զարգացման շարժիչ ուժ, հայտարարել է Չինաստանի նախագահ Սի Ծինփինը ԱՄՆ նախագահի ազգային անվտանգության հարցերով օգնական Ջեյք Սալիվանի հետ հանդիպմանը։
«Չինաստանը և Միացյալ Նահանգները, որպես երկու խոշոր պետություններ, պետք է պատասխանատու լինեն պատմության, ժողովրդի և ամբողջ աշխարհի առաջ, որպեսզի դառնան խաղաղության և կայունության աղբյուր ամբողջ աշխարհում, ընդհանուր զարգացման շարժիչ ուժ»,- ասել է Սի Ծինփինը։
Նա նշել է, որ փոփոխվող և բուռն աշխարհի պայմաններում երկրները պետք է միավորվեն և համակարգվեն, այլ ոչ թե բաժանվեն և դիմակայեն:
