Իրանի նախագահ Մասուդ Փեզեշքիանը հեռախոսազրույց է ունեցել Նորվեգիայի վարչապետ Յոնաս Գար Ստյորեի հետ, հայտարարել, որ Իսլամական Հանրապետությունը պատրաստ է աջակցել ամբողջ աշխարհում պատերազմների և բռնությունների դադարեցմանը:
IRNA գործակալության տվյալով՝ նա բարձր է գնահատել Նորվեգիայի աջակցությունը պաղեստինցի ժողովրդին և կոչ է արել ակտիվ գործողություններ ձեռնարկել Գազայում Իսրայելի գործողությունների դեմ:
Նորվեգիայի վարչապետն էլ Իրանի հետ հարաբերությունները բարեկամական է անվանել, պաշտպանել է պաղեստինցիների անկախության իրավունքները և հույս հայտնել, որ Գազայում հակամարտությունը շուտափույթ կավարտվի:
