ԱՄՆ նախագահ Ջո Բայդենը շուտով կարող է Իսրայելին և պաղեստինյան ՀԱՄԱՍ շարժմանը Գազայի հատվածում կարգավորման նոր առաջարկ ներկայացնել։ Այս մասին հայտնում է ամերիկյան Axios պորտալը՝ վկայակոչելով աղբյուրներ։

«Բայդենը դիտարկում է Իսրայելին և ՀԱՄԱՍ-ին Գազայի հատվածում պատանդների ազատ արձակման և հրադադարի վերջնական առաջարկ ներկայացնելու հարցը»,- ասվում է հրատարակության մեջ:

Կայքը, հղում անելով աղբյուրներին, հավելում է, որ Բայդենը երկուշաբթի առավոտյան կհանդիպի ազգային անվտանգության ամերիկացի պաշտոնյաների հետ՝ որոշելու գործարքի վերջնական առաջընթացի ռազմավարությունը։