Հրապարակվել է սահմանազատման հանձնաժողովների կանոնակարգը

Հրապարակվել է Հայաստանի և Ադրբեջանի սահմանազատման հանձնաժողովների համատեղ գործունեության կանոնակարգը։

Այն պետք է հաստատվի ՀՀ կառավարության կողմից, ապա ներկայացվի ՍԴ՝ փաստաթղթի սահմանադրականությունը որոշելու համար։ Միայն ՍԴ որոշումից հետո կանոնակարգը պետք է վավերացվի ԱԺ-ի կողմից։

Փաստաթուղթը պետք է վավերացվի նաև Ադրբեջանում։

Նշենք, որ հանձնաժողովների կանոնակարգն ընդգրկվել է կառավարության՝ սեպտեմբերի 5-ին կայանալիք նիստում։

Հիշեցնենք՝ սահմանազատման հանձնաժողովներն օգոստոսի 30-ին ստորագրել են համատեղ գործունեության մասին կանոնակարգը, և հայտարարվել է ներպետական ընթացակարգերի իրականացման մեկնարկի մասին։