Կրթական համակարգում իր ուրույն ձեռագիրն ու կշիռն ունեցող «Մխիթար Սեբաստացի» կրթահամալիրը 35 տարեկան է:
Այստեղ այլընտրանքային ուսուցման հիմքում ոչ միայն պարզապես սովորեցնելն է, այլ կրթելն ու դաստիարակելը, ընդ որում` ոչ միայն իմացական և մասնագիտական ուղղությամբ, այլ նաև կյանք է ճանապարհում ստեղծագործ, իրավագիտակից, անկախ ու սեփական կարծիքը, կարիքներն ու առավելությունները գիտակցող, և դրանք զանգացնելու ցանկությամբ օժտված քաղաքացիներ, որոնք «Սեբաստացի» տիտղոսը կրում են պատվով և պատասխանատվությամբ:
Կրթահամալիրն իր արժեհամակարգով ու ավանդույթներով հիմնադրի` վաստակաշատ մանկավարժ, հասարակական գործիչ Աշոտ Բլեյանի ձեռամբ, ոգով և լավագույնի տեսլականով ստեղծված կյանքի դպրոց է, որի ավանդն անգնահատելի է սերունդների կրթության ու դաստիարակության, և առհասարակ` կրթական համակարգի մասին պատկերացումների ու նորարարական մոտեցումների ներդրման գործում:
Թիվ 1-ի խմբագրակազմը շնորհավորում է կրթահամալիրի անձնակազմին, բոլոր Սեբաստացիներին, և կրթահամալիրի գործունեության բարձրարժեքությունը գնահատողներին` 35-ամյակի կապակցությամբ` մաղթելով արգասաբեր գործունեության հարատևություն։
Հեղինակ` Թիվ 1 մեդիայի գլխավոր խմբագիր Նվարդ Մելիքյան
